28 годишен тенисер се струполи на терен откако доживеа мозочен удар

Турскиот тенисер Алтуг Челикбилек колабираше на теренот за време на полуфиналниот меч од од ИТФ турнирот што се одржува во тунискиот град Монастир. Челикбилек, кој е 451.. на АТП листата, играше против Јанки Ерел, но мечот е прекинат по само еден гем. Турчинот се струполил на теренот по што му била укажана лекарска помош и е пренесен в болница, а таму е утврдено дека добил мозочен удар. Медиумите во Турција тврдат дека Челикбилек е „успешно опериран и државата ќе испрати авион по него“. Челикбилек има 28 години, а во најдобра форма бил во 2021 кога се наоѓал на 154. место на АТП листата.