Општина Аеродром ќе додели 1 милион денари финансиска помош за настраданите во Кочани

Општина Аеродром ќе додели 1.000.000 денари финансиска помош за настраданите во Кочани. Денеска, во координација со советниците, в. д. градоначалникот на Општина Аеродром, Дејан Митески, поднесе барање за одржување вонредна седница на Советот на Општина Аеродром на која ќе има само една точка за доделување 1.000.000 денари финансиска помош на семејствата на настраданите во стравичната несреќа во Кочани.