Qytetarët po përballen me rritje të çmimeve të produkteve bazë të furrave të bukës. Sipas paralajmërimeve, kiflet dhe byreku tashmë janë shtrenjtuar për 10 denarë, ndërsa ky trend pritet të përhapet në të gjitha furrat e bukës në vend gjatë javës së ardhshme.
Arsyeja kryesore për këtë rritje të çmimeve është shtrenjtimi i paralajmëruar i energjisë elektrike, i cili hyn në fuqi duke filluar nga pasnesër.
Duke qenë se energjia elektrike është një nga shpenzimet kyçe në industrinë e furrave të bukës, prodhuesit thonë se janë të detyruar të korrigjojnë çmimet me pakicë për të ruajtur qëndrueshmërinë ekonomike të bizneseve të tyre.
Ky shtrenjtim i ri është vetëm pjesë e një serie rritjesh të kostos së jetesës, të cilat ndikojnë drejtpërdrejt në standardin e konsumatorëve.
Furrtarët paralajmërojnë se, nëse kostot e energjisë vazhdojnë të rriten, janë të mundshme edhe korrigjime shtesë të çmimeve të produkteve të tjera të miellit në periudhën në vijim.
