Бесплатно ќе се собира кабаст отпад – Општина Аеродром од понеделник започнува со голема есенска акција за чистење

Општина Аеродром од задутре (понеделник) почнува голема есенска акција за бесплатно собирање кабаст отпад на целата територија на општината што ќе трае до средината на ноември.

Во соработка со ЈП за комунални дејности на Општина Аеродром, на повеќе локации ќе бидат поставени големи контејнери во кои граѓаните ќе можат да го оставаат својот стар и дотраен мебел.