Посебен режим на сообраќај денес во Скопје

Поради одржување улична трка (женска трка), претпладнево ќе има посебен режим на сообраќај околу бул. „Илинден“ во Скопје.

Како што соопшти СВР Скопје, трасата на движење ќе почне од бул.„Илинден“ пред фонтаната Лотус (старт и цел), ќе продолжи право по должина на бул.„Илинден“ до крстосница со бул.„8 Септември“ каде се врти полукружно назад по бул.„Илинден“ до целта – фонтана Лотус.