Продолжува протестот на дел од вработените од државните институции, 988 лица немаат земено плата за декември

Предупредувачкиот получасовен протест на дел од вработените во државните институции продолжува и денес. Тие повторно си ги побараа додатоците на плата од 30 отсто и потпишување на колективни договори. Претседателот на Синдикатот на УПОЗ Трпе Деановски пред Државниот завод за статистика изјави дека 988 вработени се уште немаат земено плата за декември иако е истечен законскиот рок.