Македонските граѓани кои живеат и работат во странство лани испратиле 310 милиони евра во земјава, што изнесува околу 2% од БДП.
Во споредба со претходните години, се бележи намалување: во 2023 година биле испратени 319 милиони евра, а во 2022 година 323 милиони евра.
Во регионот, најмногу дознаки во апсолутни бројки има дијаспората на Србија со 4,47 милијарди евра, потоа БиХ со 1,99 милијарди, Косово со 1,32 милијарди, Албанија со 1,28 милијарди, и Црна Гора со 345 милиони евра.
Според овие бројки, Македонија останува меѓу земјите со најниски дознаки во Западен Балкан.
