Северна Македонија ги потврди своите вредности како доверлива земја на Алијансата. Тоа е четврта земја, која по бројот на жители и помага на Украина, не само со воена опрема, туку и преку други форми на помош. Многу сме благодарни, искрено многу други побогати земји не помогнаа на начин како што помогна оваа земја, потенцира американската амбасадорка Ангела Агелер во интервјуто за Канал 5.
Таа им се заблагодари на граѓаните и институциите на земјата кои ја поддржаа Украина и нивните напори, преку НАТО и со други средства против, како што рече, страшната, брутална и крвава инвазија на Русија и Путин и војната која трае веќе две години.
На прашањето дали претседателските избори во САД годинава би можеле да влијаат на динамиката на помошта за Украина, Агелер одговори дека нема замор и дека во изминатите денови Сенатот одобри помош во вредност од 61 милијарда долари наменета за Украина, додека сега Домот на пратениците е следен.
„Она што е важно во САД, и во Северна Македонија, имаме избори оваа година и за ова секогаш ќе има одредени политичари, кои ќе го користат ова прашање за да добијат политички поени, преку што ова прашање станува контроверзно. Цврсто верувам дека граѓаните на САД ја поддржуваат Украина, заштитата на нивниот суверенитет и напорите да се стави крај на војната, па затоа сум убеден дека ќе продолжиме со помошта, како што сум убеден дека граѓаните на оваа земја ќе го направат исто“, нагласи американскиот амбасадор.
Ако конфликтот во Украина не се реши наскоро, постои консензус дека тој ќе ескалира и ќе го загрози Западен Балкан, кој и онака е ранлив, Агелер одговори дека тоа е важно прашање бидејќи борбите и конфликтите не остануваат во границите.
„Започна со инвазијата на Украина од страна на претседателот Путин и руската војска. Ние веќе го чувствуваме влијанието на ова, имено економските последици, социјалните последици веќе се чувствуваат низ светот. Македонија е европска земја, а во Европа има војна и има големо влијание на целиот континент. Затоа е императив, и покрај фактот што војниците нема да ја преминат границата утре, да се знае фактот дека НАТО ги штити своите земји-членки. Да се знае ова и местото што оваа земја го има на Западен Балкан и Европа е многу важно. Никој не е безбеден, Путин нема да се предаде доколку не биде поразен“, рече Агелер.
Во однос на сугестијата на заменик генералниот секретар на НАТО дека во пресрет на изборите кај нас се очекува зголемување на активноста на хибридни закани, амбасадорот апелираше дека е важно граѓаните на Македонија да знаат да ги препознаат.