Бомба на „Диарио“: Меси од следната сезона пак во Барселона!

Екипата на Барселона планира на крајот од сезоната да го врати најдобриот играч во историјата Лионел Меси кој во моментов е член на ПСЖ, пишува „Диарио“.

35-годишникот играч лани си замина од Барселона и ПСЖ е вториот професионален клуб чиј дрес го носи. Шпанскиот весник тврди дека Меси ќе одлучува за иднината по крајот на Светското првенство.
ПСЖ ќе му понуди нов договор, но во целата акција ќе се вклучи Барселона која сака пак да ја види ѕвездата во својот ростер.

Меси игра доста подобра сезона во однос на лани во дресот на ПСЖ. Аргентинецот има три гола на три натпревари.