Бугарска банда украла 54 милиони фунти од даночните обврзници во текот на пет години, поднесувајќи илјадници лажни барања во најголемата финансиска измама забележана во Англија и Велс.
Галина Николова (38), Стојан Стојанов (27), Цветка Тодорова (52), Ѓунеш Али (33) и Патриција Панева (26) го користеле системот за социјална помош како „банкомат“ за да го финансираат својот раскошен живот, пренесе Индепендент.
На снимката од внатрешноста на станот на измамниците се гледа како еден од нив го опсипува подот со банкноти од 20 фунти – пари што ги користеле за купување дизајнерска облека, одмори, дизајнерски часовници, па дури и спортски автомобил од високата класа Ауди.
До 750.000 фунти во банкноти биле пронајдени наполнети во куфери во еден од нивните домови заедно со фалсификувани и лажни документи.
Тие поднеле околу 6.000 лажни барања за социјална помош користејќи фалсификувани писма од општи лекари и лажни уплатници помеѓу 2016 и 2021 година преку три „фабрики за бенефиции“, кои тврделе дека им помагаат на луѓето да добијат национален број за осигурување и бенефиции на кои имаат право.
Сепак, истрагата открила дека откако апликантите ги поднеле своите барања за социјална помош преку овие три извори, тие ги оставале во рацете на организираната криминална група.
Судот слушнал дека парите добиени од овие лажни барања потоа биле испрани, биле преместувани помеѓу неколку сметки преку бројни трансфери и повлечени во готовина кога криминалците можеле легитимно да ги користат.
Специјалниот кралски обвинител, Бен Рид, рече: „Овој случај е најголемото кривично гонење за финансиска измама изнесен пред судовите во Англија и Велс“.
„Веќе неколку години, овие обвинети заговарале да извршат измама од индустриски размери против универзалниот кредитен систем, чинејќи го даночниот обврзник повеќе од 50 милиони фунти“.
„Ова беше постојан напад на системот кој требаше да ги заштити најранливите во нашето општество. Но, наместо тоа, оваа банда го користеше како банкомат за финансирање на својот раскошен живот“.
Сите петмина се изјаснија за виновни за прекршоци поврзани со измама и перење пари и ќе бидат осудени пред Вуд грин кралскиот суд на 28 мај.
Мел Страјд, државен секретар на Одделот за труд и пензии (ОТП), рече: „Неизмерно сум горд на работата на истражителите на ОТП, во соработка со Кралската обвинителска служба, да ја уништат оваа организирана криминална група.
„Денешните пресуди ја нагласуваат нашата посветеност да ги заштитиме парите на даночните обврзници и правилно и праведно е да ги изведеме пред лицето на правдата оние што крадат од јавната чанта“.
„Мојата порака е едноставна – ако правите измами со бенефиции, го мамете даночниот обврзник и ние ќе ве фатиме“.
