Вирално стана емотивно видео од татко кој танцува пред болницата во која неговиот син се лекува од леукемија.
Видеото е објавено на Фејсбук страницата на Медицинскиот центар „Кук Дердс“ во Тексас, а голем број коментатори биле трогнати од гестот на таткото чие 14-годишно момче Ајден таму се лекува од акутна лимфоцитна леукемија . пишува Метро.
На Ајден му беше дијагностицирана на почетокот на пандемијата на корона вирусот, поради што болницата мораше да ги ограничи посетите за да се намали можноста за заразување на деца чие здравје е веќе кревко.
Во болницата само еден родител смее да биде придружуван, па на 14-годишниот Ајден на терапија му се придружува и неговата мајка Лори. Но, неговиот татко Чак не се откажува да го расположи својот син и танцува под неговиот прозорец.
Дури и тој може да го види Ајден само од далеку. Во обид да предизвика насмевка на лицето на својот син, Чак танцува на паркингот во болницата секоја недела.
И покрај неговата болест, Ејден танцува со него, но во неговата соба во болницата и се обидува да ги следи танцовите движења на неговиот татко.
Неговата мајка, Лори, вели дека тоа е само еден од начините на кои таткото и синот ја одржуваат својата врска во овој тежок и предизвикувачки период низ кој поминува нивното семејство.
