Визер укинува авиолинии од Македонија до четири европски дестинации

Нискобуџетниот авиопревозник „Визер“ ќе прекине сообраќаj на авионски линии од Скопје и Охрид до четири европски града, објави exyuaviation.com.

Нискобуџетната авиокомпанија ќе ги прекине операциите од својата база во Скопје до Турку, Торино и Билунд.

Според тоа, Македонија повеќе нема да има редовна авиолинија до Финска. Летовите за Турку беа воведени во 2019 година, додека за Билунд во декември минатата година.
Покрај тоа, авиопревозникот ги прекинува операциите меѓу Охрид и Фридрихсхафен. Летовите меѓу двата града беа воведени минатиот декември.

Како резултат на тоа, три од четирите нови линии што ги воведе во последното проширување на својата македонска мрежа, во декември 2021 година, сега се прекинати.