Некогаш мажите беа единствените кои „трчаа“ на девојки за една вечер, но времињата се сменија. Всушност, денес речиси и да нема разлика во тоа како жените и мажите гледаат на љубовните врски.
Жените се поотворено зборуваат за своите потреби и не се двоумат да побараат од партнерот да ги задоволи. Во повеќето случаи, тие повеќе не се срамат да кажат гласно кога сакаат да имаат секс за една ноќ, ни помалку ни повеќе од мажите.
Сепак, многу мажи се прашуваат што е потребно за да ја натера жената да посака ваква врска.
Експерти од областа на сексуалните односи – открија кој е пресудниот фактор да ги заинтересираат жените да имаат секс за една ноќ.
Истражувачите од Универзитетот во Тексас откриле дека интересот на жените за краткорочни сексуални односи зависи од тоа дали тие претпочитаат партнери со изразени машки карактеристики. Резултатите од студијата се објавени во списанието „Archives of Sexual Behaviour“.
Истражувачите регрутирале 72 жени кои пополниле анкета за нивниот сексуален живот. Исто така, од нив било побарано да погледнат различни машки лица на компјутерскиот екран, всушност два типа кои би можеле да се поделат на оние со машки и женски црти на лицето. Секоја фотографија била емитувана по три секунди, при што научниците ги следеле движењата на очите на испитаниците. По прегледувањето на фотографиите, од учесниците беше побарано да ја оценат привлечноста на машките лица.
Жените кои беа повеќе заинтересирани за краткорочни врски и оние кои се сметаа за попосакувани – подолго гледаа во лицата на припадниците на посилниот пол со помажествени црти на лицето. Резултатите од оваа нова студија се конзистентни со претходните научни трудови, кои исто така користеа технологија за следење на очите.
Заклучок – жените кои се повеќе склони кон забави за една ноќ избираат мажествени мажи.
