Во куќа утрово пронајдени мртви мајка, син и неговата девојка, полицијата затекла агрегат на местото – нова трагедија во Хрватска

Полицијата утрово пронашла три мртви лица во куќа во месноста Бенковац во Хрватска. Во семејната куќа во Раштевиќ пронајдени се три мртви тела без видливи траги на насилство, а во куќата е пронајден агрегат (генератор) како извор на електрична енергија, соопштија од Полициската управа Задар. Полицијата излегла на терен откако добила дојава дека овие лица не се јавуваат на повиците. Во тек е увид на местото на настанот, а се преземаат мерки и дејствија за утврдување на сите факти и околности на настанот, меѓу кои е и обдукција. Според досега прибраните информации, нема сомнеж за постоење елементи на кривично дело, се додава во полициското соопштение.