– Повеќе нема безбедно место за цивили во Појасот Газа. Секако не можеме да ја потврдиме снимката, но тоа е шокантен настан, изјави портпаролот на ОН, Стефан Дужарик.
Во Појасот Газа повеќе нема сигурно место за цивилите
Обединетите нации соопштија дека треба да се истражат снимките на кои се гледа како израелски војници убиваат двајца палестински цивили и ги закопуваат нивните тела во песок.
– Повеќе нема безбедно место за цивили во Појасот Газа. Секако не можеме да ја потврдиме снимката, но тоа е шокантен настан, изјави портпаролот на ОН, Стефан Дужарик.
Тој додаде дека случајот мора целосно да се истражи.
На видеото објавено на Ал Џезира се гледа како израелски војници отвораат оган и убиваат двајца Палестинци кои се обидувале да се вратат дома во северниот дел на Појасот Газа.
Во израелските напади врз Појасот Газа од 7 октомври загинаа 32.552 Палестинци, меѓу кои најмалку 14.280 деца и 9.340 жени, а повредени се 74.980 луѓе.
