СВР Тетово поднесе кривична пријава против Н.Љ.(35), С.Џ.(30), Џ.И.(44), А.Б.(33), Б.И.(31) и А.Ш.(23), сите од Тетово, поради постоење основи на сомнение за сторено кривично дело „насилство“.
На 09.11.2022 на ул.„Илинденска“ во Тетово, пријавените го нарушиле јавниот ред и мир со меѓусебна физичка пресметка. Единицата за економски и компјутерски криминал при СВР Скопје поднесе кривична пријава против Б.С.(36) од Скопје, поради постоење основи на сомнение за сторено кривично дело „несовесно работење во службата”, казниво по член 353-в од Кривичниот законик.
Пријавениот, вработен како референт за управно надзорни работи во МВР – Оддел за граѓански работи, на 23.05.2022, и покрај тоа што знаел дека лицето Ф.С. од Скопје немал положено возачки испит за управување на моторни возила, го примил, извршил негово фотографирање за прва возачка дозвола, ги внел неговите податоци во системот, а веднаш потоа ги избришал.
