Голема трагедија. Автобус полн со туристи излета од патот. Има жртви

Пет лица загинаа, а 38 други се повредени откако автобус полн со туристи излетал од патот во северозападната турска провинција Бурса.

Автобусот патувал од провинцијата Кутахија до областа Мудања во Бурса. Превезувал група туристи до крајбрежниот град. Меѓу загинатите се возачот и четворица патници, пренесе „Дејли Сабах“.

Минатата недела 34 лица загинаа во две несреќи во провинциите Газиантеп и Мардин во јужна и југоисточна Турција, соодветно. Податоците на Одделот за сообраќај на турската полиција покажуваат дека сообраќајните несреќи ги однеле животите на 920 лица во првите шест месеци од 2022 година. Главната причина за несреќите била грешка на возачот.