Вниманието од само неколку часа за предизвиците и потребите на ромската заедница се случува секој почеток на април. И денеска претседателот, министрите и амбасадорите на Европската Унија се собраа во сала да ги слушнат нивните проблеми.
Меѓу учесниците најгласен беше првиот човек на образованието, Јетон Шаќири. Но, што велат меѓународните извештаи за достапноста на образованието во однос на Ромите? Во извештајот на Европската комисија се наведува дека голем дел од Ромите немаат пристап до образование и дека надлежните институции не презеле доволно мерки за да се спречи тоа и да ги вратат Ромите кои прекинале да се образуваат.
Присутна беше и министерката за труд Јована Тренчевска. Според меѓународните извештаи, бројот на невработени Роми е над 10.000 и подобрувањето во оваа насока е речиси невидливо. Мнозинството Роми не добиваат социјални услуги. Ромките и понатаму немаат основни услови за живот, додека на децата Роми им е повредено секое право – тие се принудени да се занимаваат со питачење и други незаконски активности. Според анкетираните Роми од АЛСАТ, тие се соочуваат со дискриминација секој ден и насекаде.
АЛСАТ денеска беше во посета на населбата „Шуто Оризари“, каде има полициски проверки без да се применат законските процедури, а според народниот правобранител имало и пријави за полициска бруталност. Ромите имаат само 1 претставник во законодавниот дом, додека Комисијата за антидискриминација постапуваше во неколку случаи.
И покрај овие проблеми, локалните институции продолжуваат да пишуваат „стратегии“ за вклучување на Ромите во јавните политики и подобрување на нивните услови, првата беше составена во 2016 година, а последната минатата година.
