Две малолетнички од струшкото село Мислешево се пријавени дека се оддалечиле од дома, соопшти денеска СВР Охрид.
Случајот во полиција го пријавила синоќа мајката на една од малолетничките, чија ќерка и претходно го напуштала домот.
– Во ОВР Струга, синоќа во 23 часот, Љ.П.(43) од село Мороишта, струшко, пријавила дека од семејниот дом се оддалечиле нејзината ќерка Т.П.(14) и нејзината другарка А.С(15) од селото Ложани, струшко. Малолетничките и претходно биле пријавувани дека се оддалечувале од домот и се враќале, информира портпаролот на СВР Охрид, Стефан Димоски.
Полицијата презема мерки за пронаоѓање на девојчињата, кои и пред неполн месец биле пријавени за исчезнати, но по неколку дена сами се вратиле дома. Една од малолетничките при претходното заминување украла 2.000 евра од семејниот дом.
извор. https://sitel.com.mk/dve-maloletnichki-od-strushkoto-selo-misleshevo-go-napushtile-semejniot-dom-policijata-raboti-na?fbclid=IwAR0k3nQHLD2n1yfCCaZDWIXJkA2op6PEgukhx3w5acrd-UQKFU98lLwUFa4
