Времето денеска ќе биде сончево и топло со мала до умерена локална облачност и со слаб до умерен ветер од северен правец. Попладне во планинските подрачја ќе има изолирана појава на краткотраен пороен дожд и грмежи.
Минималната температура ќе биде во интервал од 11 до 18, а максималната ќе достигне од 28 до 35 степени.Во Скопје ќе биде сончево и топло, попладне со мала до умерена облачност и ќе дува слаб ветер од северен правец. Минималната температура ќе се спушти до 17, а максималната ќе достигне 34 степени.
За утре исто така се очекува да преовладува претежно стабилно и топло време, освен во планинските подрачја каде ќе има изолирана појава на краткотраен пороен дожд и грмежи.
Според прогнозата на УХМР, за време на викендов ќе има промена на времето, наместа ќе биде нестабилно со пороен дожд, грмежи, засилен ветер и пад на температурата за неколку степени.
