Основното јавно обвинителство Струмица донесе наредба за спроведување истражна постапка против мајка осомничена за кривично дело „запуштање и малтретирање на дете“.
Осомничената, како што соопшти денеска Јавното обвинителство, иако била должна да ја издржува и да се грижи за животот и здравјето на нејзината четиригодишна ќерка, грубо ја запоставила својата родителска должност за грижа и воспитување, ја запуштила и дозволила детето да се оддаде на питачење, што штетно влијаело на неговиот развој, здравје и лична безбедност.
Поради тоа настапило тешко нарушување на здравјето на детето, кое во тешка здравствена состојба на 17 јануари годинава било најпрво примено во ЈЗУ Општа болница Струмица, а потоа хоспитализирано на Клиниката за детски болести во Скопје.
Според КЗ, на мајката ѝ се заканува казна затвор од најмалку 10 години.
Извор. https://thenewsgo.co/new/%d0%b5%d0%b2%d0%b5-%d0%ba%d0%be%d0%bb%d0%ba%d1%83-%d0%b3%d0%be%d0%b4%d0%b8%d0%bd%d0%b8-%d0%b7%d0%b0%d1%82%d0%b2%d0%be%d1%80-%d1%9d-%d1%81%d0%b5-%d0%b7%d0%b0%d0%ba%d0%b0%d0%bd%d1%83%d0%b2%d0%b0-%d0%bd/?fbclid=IwAR3gt_zwkwXYPCAlsXgzv86hmkO__1lV6pEigxVc2eRvNgIR_R2H5HAlrsw
