Турскиот претседател Реџеп Таип Ердоган го посети регионот Газиантеп погоден од земјотресот и при говорот истакна дека овогодинешниот Бајрам се слави под сенката на земјотресите од 6 февруари и над 50.000 жртви.
Тој вети широка реконструкција на регионот, велејќи дека изградбата на 105.000 домови и обезбедувањето кредити без камата веќе е започната.
„Наша должност е да ги направиме нашите згради силни и да не ги нарушуваме нашите вредности, да бидеме подготвени за катастрофи, да живееме во склад со природата, а другото е волја на нашиот Алах“, карактеристично изјави тој додавајќи: „Ова ќе го завршиме, најголемата станбена и урбанизациска мобилизација во историјата на Републиката по дозвола на Алах. Нашата цел е да не оставиме опасна зграда во Истанбул за 5 години. Во нашите урбанистички планови презедовме мерки против сите природни непогоди, особено земјотреси, како и многу проблеми што ги носи непланската урбанизација“
