Високиот претставник на САД за Европа и Западен Балкан, Габриел Ескобар е во Македонија каде што оствари средба со премиерот Димитар Ковачевски.
По средбата се одржа и прес-конференција на која Ескобар истакна дека не е тука да врши тортура врз никого, туку да ја истакне поддршка кон земјава во европските интеграции. Тој ова го кажа пред средбата со Христијан Мицкоски, претседателот на опозициската ВМРО-ДПМНЕ, кој пред неколку дена кажа дека „власта ќе оди да моли кај меѓународниот фактор да врши тортура и притисок кон ВМРО-ДПМНЕ за нејзините пратеници да гласаат за уставни измени“.
„Нема никого да подложам на тортура, сакам да посочам дека САД не избира влади за земјите членки на НАТО. Единствената работа за која ќе зборувам е дека САД ги гледа природни партнери на оние кои се посветени на интеграцијата во ЕУ. Сакам да слушнам и да имам многу отворена размена на гледишта со лидерот на опоозицијата, се надевам дека ќе имаме повеќе да и кажеме на јавноста по средбата“, истакна Ескобар.
Извор: https://mk.tv21.tv/eskobar-nema-da-vrsham-tortura-vrz-nikogo-tuka-sum-da-ja-istaknam-poddrshkata-na-sad-kon-vas/
