Луѓето бараат помош од мене, а јас услугата ја наплатувам“, ни објасни мажот што го сретнавме пред пунктот за вадење лични документи во полициската станица „Пролет“. Човекот работи брзо, квалитетно и евтино и никој нема поплаки.
Додека скопјани мрзнат пред полициската станица „Пролет“, каде што чекаат без термин да се сликаат за промена на лични документи, маж си тера бизнис пред очите на полицијата.
Пред влезот маж на возраст од околу 40 години, седнат на столче, им ги пополнува барањата за новите лични документи на повозрасните луѓе и им наплаќа за тоа по 100 денари од документ.
Како што можевме да забележиме, тој има многу работа, бидејќи барања за промена на пасош, лична карта или за возачка дозвола немаше пред пунктот.
Но. тој е подготвен и за тоа, самиот си има ископирано повеќе примероци од трите барања и му дава на секого што ќе му побара во негово име да му го пополни барањето.
Го прашавме дали и каде може да земеме барање за да си го поплниме самите и дали има тој да ни даде.
– Јас не ги продавам, туку им ги пополнувам на луѓето, а за тоа им наплатувам 100 денари по барање. Луѓето бараат помош од мене, а јас услугата ја наплатувам – ни рече мажот кој го сретнавме пред пунктот.
Еден повозрасен господин ни кажа дека супер што е дечкото тука, бидејќи тој дома ги имал заборавено очилата, а и немало барање за да може самиот да ги пополни.
Извор. https://plusinfo.mk/rabota-ima-za-seko-ko-saka-mazh-pred-ochite-na-polici-ata-im-naplatuva-po-100-denari-na-gra-anite-za-popolnuva-e-bara-e/
