Зеленски: Нема да се толерира корупција и предавство

Претседателот на Украина, Володимир Зеленски изјави дека нема да толерира корупција или предавство додека неговата земја се бори да најде средства да се одбрани од руските напади. Тој упати антикорупциски апел во своето ноќно видео обраќање, по апсењето на воен офицер за регрутирање обвинет за масовна проневера и пратеник обвинет за соработка со Русија.

Минатиот месец, Зеленски ги објави плановите за ревизија на воените оддели во обид да ја елиминира корупцијата.– Обичните Украинци кои ги поддржуваат воените напори се бесни од корупцијата. Дозволете ми да ги предупредам сите пратеници, функционери и сите кои работат како државни службеници, истакна Зеленски.