Колку често имате секс? Еве зошто би било добро да е барем еднаш неделно!
Не ви треба посебна причина за да уживате во сексот со вашата сакана. Но, сега имате дополнителна причина – уживањето во сексот барем еднаш неделно го намалува ризикот од рана смрт, покажуваат истражувањата, пренесува Мондо.
Научниците утврдиле дека редовниот сексуален однос го намалува ризикот од смрт од рак, срцеви заболувања и други болести.
Велат дека „дејството“ во кревет се брои како тренинг со умерен интензитет и има слични ефекти врз здравјето.
Научниците прашале нешто повеќе од 15.000 возрасни со просечна возраст од 39 години за нивниот сексуален живот и ги следеле во следните 11 години.
Околу 72% од нив имале сексуална активност најмалку еднаш месечно, а околу 36% најмалку еднаш неделно.
Во текот на студијата, 228 учесници починале, вклучувајќи 29 од кардиоваскуларни болести и 62 од рак.
Колку почесто учесниците во студијата имале секс, толку е помал ризикот од рана смрт, велат научниците од Универзитетот во Вашингтон.
Оние кои имале секс барем еднаш неделно имале 49% помал ризик од смрт од која било причина, во споредба со оние кои имале секс еднаш годишно или помалку. Исто така, нивниот ризик од смрт од кардиоваскуларни болести е помал за 21%, ризикот од смрт од рак е помал за 69%, а од која било друга причина е помал за 48%.
За време на сексот се ослободуваат супстанции кои прават да се чувствувате добро, го подобруваат менталното здравје и го стимулираат активирањето на клетките кои го бранат телото од сите „напаѓачи“.
