Во Вишиот суд во Белград беше одложено судењето на сопружниците Владимир и Милјана Кецмановиќ, родители на малолетникот што на 3 мај минатата година изврши масакр и уби девет деца и чуварот на ОУ „Владислав Рибникар“, а Обвинителството и одбраната побараа родителите да присуствуваат на судењето и на одбраната на Кецмановиќ.
Во судот беа присутни родителите на убиените деца, кои во раце држеа фотографии од убиените деца.
Кога излегол адвокатот Боривој Боровиќ, кој го застапува семејството Кецмановиќ, родителите на убиените деца извикувале и го нарекле „злосторник“ и „лажго“, а на обвинетата Милјана ѝ рекле дека е „монструм“.
Таткото на момчето убиец беше обвинет за тешко дело против општата безбедност бидејќи со неговото оружје е извршен масакрот, а мајката е обвинета за недозволено поседување оружје поради ДНК-трагата пронајдена на патрон на местото на злосторството.
За кривичното дело давање лажна изјава директно обвинети се претседателот на стрелачкиот клуб „Партизан практично стрелање“, Ратко И., и инструкторот во тој клуб, Немања М.