Полицијата поднесе кривична пријава против Н.Ј. (57) од селото Таринци, општина Карбинци, поради постоење основи на сомнение за сторено кривично дело „несовесно работење во службата“.
Според пријавата, Н.Ј. во својство на директор на Државен студентски дом „Браќа Миладиновци“ во Штип постапил спротивно на Законот за јавни набавки. Тој на 29 и 31 мај 2024 година извршил плаќање на фактури во вкупен износ од 84.320 денари за сместување, односно ноќевање за себе и за ученици од студентскиот дом во два хотели во Охрид, без да спроведе соодветна постапка за јавна набавка.
Полицијата соопштува дека постапила по службена потреба и дека случајот ќе продолжи да се процесуира според законските одредби.
