Локалниот огранок на Левица во Демир Хисар го исчисти и реставрираше споменикот и гробот на војводата Јордан Пиперката во селото Велмевци, објавија од Левица на Фејсбук.
– Вечната негрижа на надлежните институции, ги доведува спомениците на нашите борци до целосен заборав и до нивно уништување од забот на времето. По тој повод, ЛО Левица – Демир Хисар го реставрира споменикот и гробот на демирхисарскиот војводата – Јордан Силјанов – Пиперката во с. Велмевци.
Учесник на Смилевскиот конгрес и на Илинденското востание. На 1 август 1903 година, во Церско Поле, Демирхисарско, паднал во заседа на турската војска, и тука, откако бил ранет, последниот куршум го испукал во себе и не се предал жив во рацете на непријателот!
До гробот на војводата Јордан, почиваат и телата на војводите Кузман Тодороски и Милош Трајкоски од с. Бабино и Ѓорги Бошкоски од с. Црско.
Во продолжение, една негова мисла:
„Нека не се надева ни Србија, ни Бугарија, ни Грција дека една педа земја македонска ќе добие, зашто за нејзиното ослободување ние крвта ќе ја пролеваме, па не ја даваме на друг, туку наша ќе биде“. – Јордан Пиперката. – напишаа од Левица на Фејсбук.
Извор: https://infomax.mk/%d0%bb%d0%b5%d0%b2%d0%b8%d1%86%d0%b0-%d0%b4%d0%b5%d0%bc%d0%b8%d1%80-%d1%85%d0%b8%d1%81%d0%b0%d1%80-%d0%b3%d0%be-%d0%b8%d1%81%d1%87%d0%b8%d1%81%d1%82%d0%b8-%d0%b8-%d1%80%d0%b5%d1%81%d1%82%d0%b0%d0%b2/?fbclid=IwAR2k8KWf9Zmi2muFHDtNReZXJ9SZQt9E2SQgHH7wU5C4HWvWPQu1zn8pySY
