Не прекинуваат скандалите во ООУ ,,Лазо Ангеловски”, обвинуваат од партијата Левица.
Откако општина Аеродром и градоначалникот Тимчо Муцунски го сменија претходниот директор по низа скандали и на негово место ја донесоа новата директорка Магдалена Петреска, повторно стигнуваат информации за уште еден скандал.
До Левица пристигнаа поплаки дека директорката Магдалена Петреска ги понижува и омаловажува вработените во ООУ „Лазо Ангеловски“. Имено, оваа директорка го паркира својот автомобил пред училиштето и им наредува на вработените-хигиеничарки во школото за време на своите работни задачи и за време на своето работно време да земат кофи вода и четки и да го измијат нејзиниот приватен автомобил“, соопштија од Левица.
Според Закон за заштита од вознемирување на работно место:
„Забранет е кој било вид на вознемирување на работно место, како и злоупотреба на правата на вознемирување на работно место.“ Вработените хигиеничарки немаат во своите работни задачи да го чистат и „полираат“ авомобилот на директорката!
Бараме од градоначалникот Муцунски целосно да го испита случајот и да спроведе соодветна постапка за да ги заштити вработените во училиштето!“ се додава во соопштението.
