Лудило во Хрватска: Со Бед Блу Бојс на гостување на „Пољуд“ дојде и – калуѓерка!

Најголемото хрватско дерби помеѓу омразените Хајдук и Динамо Загреб во Сплит на „Пољуд“ донесе луда сцена, откако меѓу жестоките загрепски „Бед Блу Бојс“ на гостување со нив се појави и – една калуѓерка.

Околу 500 навивачи од Загреб дојдоа денеска на „Пољуд“ за дербито кое заврши 1-1, а меѓу нив и Ивона Јурчевиќ, која во 2018 година се замонашила, но без оглед на својот статус пред стадионот не можеше да мине преку редарската служба без претрес.

Таа без приговор застана пред редарот за да ја претресе, но и покрај строгите контроли, како по обичај хрватските ултраси и од Сплит и од Загреб внесоа еден „тон“ пиротехника.