Кога сопругата сака нешто да ви каже, фокусирајте се на тоа што го зборува. Оставете го настрана мобилниот, исклучете го телевизорот, заборавете на работата. Слушајте внимателно и бракот ќе ви биде посреќен, советуваат експерти.
Слушајте што ви зборува
Приоритетите во комуникација се исклучително важни за бракот или љубовната врска.
„Важно е редовно да комуницирате како брачна двојка. Многу сопруги пронаоѓаат неверојатна радост во фактот дека биле сослушани“, вели клиничкиот психолог д-р Карла Мари Менли.
Додава дека тоа не значи дека во сѐ треба да се сложувате со жената, но самото тоа што сте ја сослушале ѝ значи многу, повеќе ќе се поврзете како пар. Кога сопругата сака нешто да ви каже, фокусирајте се на неа и на тоа што го зборува.
Бидете внимателни кон работите кои ги сака
Жената е многу среќна кога гледа дека партнерот се грижи за работи кои за неа се важни.
„Сопругите се чувствуваат длабоко сакани кога мажите обрнуваат внимание на работи кои ги сакаат и кои ги прават среќни. На пример, кога наутро ќе им сварат кафе или кога минуваат покрај омилената пекара па го купуваат нејзиното омилено печиво“, објаснува д-р Менли.
Тоа се ситни работи кои можат да внесат многу среќа во заедничкиот живот. И секако, не заборавајте да ѝ кажете колку ја сакате. Исто така, давајте ѝ. поддршка да ужива во нејзините хоби активности, немојте да се потсмевате со нив или да ја исмејувате.
Многу допири и прегратки
На жените ова им е особено важно. Тие физичките допири ги поврзуваат со тоа дали се сакани или не.
„Истражувањата покажаа дека физичката интимност и допирите играат пресуда улога во заштита од стрес во љубовната врска. Посреќни се во брак оние партнери кои се повеќе склони на свесен физички допир, а тоа делува како механизам за намалување на нивото на кортизол во телото“, објаснува психологот.
„Ако вашата сопруга сака да ја допирате, прегрнувате или милувате, правете го тоа почесто“, додава д-р Менли.
Бидете позаинтересиран за неа
„Прашајте ја како ѝ минал денот, слушајте што ви одговара и прашајте ја за тоа. Важно е и двајцата во врската да ја почувствуваат и слушнат другата страна. Ако знаете дека нешто ја мачи, прашајте ја за тоа дури и ако станува збор за нешто кое не ви е интересно за слушање или во вас буди негативни емоции“, советува д-р Менли.
Ваквите работи покажуваат дека се грижите за неа и нејзините чувства, а тоа е многу важно за среќен брак. Исто така, следете ги нејзините емоции и не форсирајте разговор ако ѝ треба малку мир и тишина.
Грижете се за себе
Ова е исклучително важно за среќна врска, двајцата партнери мора да се грижат за себе за да ги земат во обѕир туѓите потреби и среќа.
„Не може нешто да наточите од празна чаша. Ако се изгореле или сте оптоварени со работи кои треба да ги направите, тогаш не можете да водите грижа за себе и другите. Потребно е да преземете нешто“, советува психологот.
Во тој случај и двајцата партнери треба да пронајдат време за себе и добро да се одморат, да се наполнат со позитивна енергија. Таквите бракови обично се посреќни и полни со љубов, пишува „Mind Body Green/vistina.com.mk/
