Голем успех за македонскиот спорт во 2022 година оствари македонската паролимпијка Оливера Наковска-Бикова, станувајќи светски шампион во дисциплината П4-Пиштол слободен избор.
Бикова во квалификациите оствари одличен резултат од 538 кој е и најдобар во нејзината кариера со што го освои второто место обезбедувајќи место во финалето. Повеќе ТУКА
Наковска-Бикова беше прогласена за најуспешна спортистка на Македонија. Предводена од нејзиниот тренер Бранимир Јовановски и асистентот Драган Дојчиновски во ноември имаше уште еден врвен резултат на Светското првенство во стрелаштво Ал Аин.
Ги комплетираше златните медали од сите големи натпреварувања: европско првенство, светско првенство и параолимписки игри, а двапати во својата кариера поставуваше и светски рекорд.
Потсетување дека во март беше златна и на Европското првенство во стрелаштво во Хамар, Норвешка, во дисциплината воздушен пиштол.
Следуваат квалификациските турнири за Параолимписките игри (Париз 2024), во Кореја е закажан за мај 2023 година, во Ротердам во август, Лима-Перу, како и настап на Европските параолимписки игри во Холандија.