МВР со детали за пукањето во Тетово: Непознато лице пукало од автомобил во движење во семејна куќа

Вчеравечер, по 23 часот, непознато лице од автомобил во движење пукало во семејна куќа во Тетово. Полицијата пронајде пет испукани чаури. Случајот е пријавен во полиција, а од МВР ја потврдија веста.

„Во 22:45 часот М.Т од Тетово пријавил во СВР Тетово дека непознато лице од автомобил во движење пукало во неговата куќа во Тетово. Засега нема извештаи за повредени лица. Се преземаат мерки за расчистување на случајот“, велат од СВР Тетово.