Како резултат на прилив на поладен воздух кој како клин ќе се пробие во делови од североисточна Италија, Словенија и Истра, ќе се формира висински циклон со центар над среден Јадран. Во текот на денот овој циклон ќе се поместува кон јужниот Јадран и Јонско Море. Во состав на оваа циклонска циркулација, од Јонско Море и Јадранот кон нашите предели ќе се разменуваат влажни и нестабилни бранови со развој на конвективна облачност и локални обилни врнежи, објави метеорологот Владо Спиридонов.
„Не се исклучува појавата на град и силен олуен ветер во зоните каде ќе има развој на нестабилноста.
NOTHAS -Алерти 4 август 2025 Според NOTHAS, во основа е прикажано НИВО-3 – зголемен ризик, а локално и НИВО-4 – многу висок ризик, каде се можни временски непогоди.
ПРЕДУПРЕДУВАЊЕ
Очекувајте локални поројни врнежи, грмежи и силни електрични празнења.
Можно е појава на град и засилен ветер.
Ве молиме да внимавате и да ги следите најновите информации.
Напомена: Објавата има научно информативен карактер!“, објави тој.
Извор: ФАКТОР
