Хрватскиот претседател Зоран Милановиќ денеска изјави дека Србија „мора да го објасни“ вооружениот напад на северот на Косово.
„Ова не се некои возбудени момци, тие се вооружени и обучени“, им рече Милановиќ на новинарите во Лудберг на прашањето за ситуацијата во Косово.
На прашањето за можните санкции против Србија, кои вчера во Загреб ги побараа премиерите на Албанија и Хрватска, Еди Рама и Андреј Пленковиќ, Милановиќ рече дека не му се допаѓаат санкции кои не се прогласени од Европскиот совет, кој е задолжен за безбедноста, бидејќи тие се „претвораат во терор“., објави регионалната телевизија N1.
Пленковиќ и Рама вчера го осудија убиството на косовски полицаец во селото Бањска, го оценија како неприфатливо тоа што властите во Белград прогласија ден на жалост поради смртта на напаѓачот и побараа мерки на ЕУ против Србија.
Хрватскиот премиер рече дека мерки може да бидат донесени на ниво на Европскиот совет, но и „автономно“, на ниво на Европската комисија, како што тоа неодамна беше направено против Косово.
Извор: https://press24.mk/milanovikj-srbija-mora-da-objasni-shto-se-sluchi-na-kosovo
