Министерот за економија на Србија предлага да се урне училиштето „Владислав Рибникар“ во Белград

Раде Баста – српскиот министер за економија предлага да се урне зградата на основното училиште „Владислав Рибникар“ во Врачар, во Белград, каде што беше извршен масакрот на 3 мај годинава, пишува „Нова.рс“.

„Повикувам на единство на власта и опозицијата, на местото на училиштето да се изгради спомен-парк за жртвите од училиштето за да остане нивниот спомен засекогаш. Да се ​​урне сегашното училиште, а некаде во близина да се изгради ново училиште“, напиша Баста на Инстаграм.