Џозеф Фрицл, монструмот од Австрија кој својата ќерка ја држел затворена 24 години во подрум, каде ја силувал и со неа добил седум деца, можеби ќе биде преместен од строго чуваниот затвор, јавуваат австриските медиуми.
Како што пишува „Jutarnji list“, Фрицл, кој сега има 88 години, во 2009-та беше осуден на доживотен затвор по откривањето на случајот кој го шокираше светот.
Австриската телевизија “QRF” јавува дека новиот психијатриски извештај за Фрицл, кој боледува од деменција, вели дека тој повеќе не претставува опасност за јавноста. Тоа значи дека судот сега може да одлучи дека тој ќе биде преместен во обичен затвор.
https://x.com/nypost/status/1747136876736139550?s=20
Фрицл моментално се наоѓа во установа од висока безбедност за престапници со ментално нарушување во затворот Штајн во градот Кремс.
Во Австрија осудениците на доживотен затвор можат да поднесат барање за условна слобода по отслужување 15 години казна. Според тој закон, Фрицл оваа година има право да поднесе такво барање.
Правните експерти велат дека е можно тоа да му се одобри. Тоа значи дека Фрицл, кој во меѓувреме го промени и името, би можел да биде преместен во дом за старци, пишува „BBC“.
ИЗВОР. https://tocka.com.mk/vesti/469620/monstrumot-koj-ja-siluval-svojata-kerka-vo-podrum-24-godini-bi-mozel-naskoro-da-bide-sloboden-fricl-od-zatvor-odi-vo-dom-za-starci-tatkoto-od-pekolot-go-promenil-imeto?fbclid=IwAR2Vx92R1nas2sZPBuoy12q45H698wrREgDzCX3U0gEU4dhyso_neKaY5PA
