Намалено либидо, проблеми со ерекција, сувост… Некои промени кои доаѓаат со возраста се сосема нормални, но можат да имаат влијание врз сексуалниот живот.
Постојат многу заблуди и митови поврзани со сексот, особено кога станува збор за повозрасни лица.
Важно е да знаете дека некои промени – физички и психички – се сосема нормална појава по 50-тата година од животот.
Сепак, овие промени можат да имаат влијание врз сексуалниот живот и важно е да бидете свесни за тоа.
Дел од најчестите сексуални проблеми кај повозрасни луѓе и како можете да ги решите:
Погрешни верувања за сексот и возраста
Многу луѓе имаат погрешни верувања за сексот и возраста.
Односно, многумина сметаат дека по 50-тата година, нивното либидо нема да постои и не треба да имаат секс. А, овој негативен став може да има влијание врз сексуалниот живот.
Иако е точно дека возраста има влијание врз хормоните и либидото, тоа не значи дека по 50-тата година вашиот сексуален живот треба да замре.
Всушност, по оваа возраст, луѓето генерално се чувствуваат посамоуверено и сексот може да им биде подобар од кога било.
Сувост на вагината
Менопаузата предизвикува намалено ниво на естроген, а ова, пак, може да биде причина за сувост на вагината.
За да го решите овој проблем, препорачливо е да одвоите повеќе време за предигра.
Исто така, можете да пробате да користите лубриканти.
Проблеми со ерекција и ејакулација
Промените во ерекцијата се сосема нормална појава кај мажите по одредена возраст.
По 50-тата година нормално е да биде потешко да се постигне ерекција, а и повремената еректилна дисфункција не е ретка појава.
Како кај жените, и овој проблем може да се реши со подолга предигра.
Доколку сепак имате посериозен проблем со ерекцијата, секогаш можете да се консултирате со лекар.
Повозрасните мажи може да забележат и промени во ејакулацијата, однос да ејакулираат помалку. И, ова не треба да ги загрижува.
Намалена желба за секс
Веќе спомнавме дека кај повозрасните мажи и жени е сосема нормално да се намали либидото.
Причината за ова се хормонални промени, намалено ниво на енергија, а во некои случаи и физичките промени кои се нормални со возраста.
Најважно е да разговарате со партнерот за вашето либидо.
А, за да си ја вратите желбата за секс, пробајте да го „зачините“ сексуалниот живот – пробувајте нешто ново, праќајте си секси пораки, па дури и консултирајте се со експерт ако сте загрижени.
