По божиќниот период со стабилен „Рекс блок“, Европа се соочува со продор на арктички студ кој ќе донесе значително заладување, снег и ниски температури. Најпрво на ударот ќе бидат Полска, источна Германија, Чешка, Словачка и Унгарија, каде утринските температури ќе паѓаат и под -10°C.
Студениот фронт ќе се движи кон југ, и до вторник ќе стигне сè до Грција, со дневни температури кои едвај ќе ја надминуваат нулата.
На почетокот на јануари се очекува нов пресврт: антициклонот над Гренланд ќе овозможи циклонална активност над западна и југозападна Европа, а ледениот воздух ќе се прошири од Исланд и Обединетото Кралство до Шпанија и Португалија, со утрински температури од -5 до -10°C.
