Ограбена екипа од Турција која снимала на локација во Скопје

35-годишник од Република Турција, пријавил дека едно лице украло паричници и други предмети од возила на екипа која снимала на локација.

Имено, случајот е пријавен вчера (12.10.2022) во 21.20 часот во Полициската станица Центар.

-M.E.(35) од Република Турција пријавил дека во 11.20 часот на ул.„Самоилова“ во Скопје, едно лице одзело паричници со пари и други предмети од две возила на екипа која снимала на локацијата. Според пријавеното, лицето употребило и физичка сила кон лице од Република Турција кое се обидело да го спречи сторителот да избега – се вели во соопштението на МВР.

Полицијата презема мерки за расчистување на случајот.