Кој тргувал со цитостатици и кој ги загрозил животите на најтешките пациенти?! Ова прашање досега не е одговорено и сѐ уште нема ниту осомничени лица. Министерот за здравство денес повторно ги прозва истражните органи да се произнесат, по повеќемесечната истрага.
Товарот на Клиниката за онкологија е преголем, признаваат здравствените власти. Наплив на пациенти, преполна амбуланта, но и загубена доверба по скандалот кој ја потресе јавноста. Тоа бара реорганизација, болници во другите градови да преземат дел од пациентите и оддели да се отворат онаму каде што ги немало досега.
Истрагата сѐ уште е во тек, а од опозицијата постојано се јавуваат со критики за случајот, но и менаџирањето на системот. Вчера на собраниската седница на Комисијата за финансирање и буџет пратеници од ВМРО-ДПМНЕ критикуваа дека е одбиен амандман за 20 милиони денари со намена за подобрување на условите во Клиниката за радиотерапија и онкологија.
