И покрај изјавите на лидерот на Алијанса за Албанците, Арбен Таравари и претседателот на државата, Стево Пендаровски дека надежите се се помали за да се изгласаат уставните измени, министерот за надворешни работи Бујар Османи е оптимист.
Османи во „10 минути“ на ТВ21 вели дека месец и половина, колку остана до крајот на годината, не е малку да се верува во политички чуда.
Просторот секој ден се стеснува, тоа е јасно, но мислам дека месец и половина не е премалку за да се направат политички чуда и мислам дека не е во ред да се даваат дефетистички ставови сега кога ги загубија надежите. Претседателот го рече тоа, претседателот има поинаква улога и може да има поинакво предвидување. Мислам дека треба да останеме оптимисти и да продолжиме да работиме“, рече Османи, но не откри дали има движење во оваа насока.
