Пакистанец на скопскиот аеродром приложил туѓ пасош, полицијата го приведе

Дваесет и осумгодишен Пакистанец бил приведен вчера на скопскиот аеродром откако на пасошка контрола приложил туѓ пасош.

„На 04.03.2024 во 20.30 часот на Граничниот премин Меѓународен аеродром Скопје, полициски службеници го лишиле од слобода М.С.(28) од Пакистан затоа што при извршена пасошка контрола и проверка во оперативна евиденција било констатирано дека приложил туѓа патна исправа на лице од Шри Ланка“, информираат од МВР.

Тој бил предаден на полициски службеници во Одделение за прекуграничен криминал и миграции Скопје за понатамошна постапка.