Повторно одложено судското рочиште за Пендиков. Обвинетиот Илија Спасески не се појави во судот бидејќи се разболел, неговиот адвокат Димитрија Цобoски со медицинска документација го правдаше отсуството и побара да му се врати и патната исправа која му е одземена поради опасност од бегство.
Пендиков, кој во Охрид доаѓа вторпат откако се лекуваше во Софија и откако доби бугарски пасош, повторно најави дека добива закани на социјалните мрежи и не се чуствува безбедно.
Адвокатот на Христијан Пендиков Камишевски истакна дека ваквите обиди за одлагања кажуваат многу и најави дека рочиштата никогаш не биле одлагани по нивна вина.
Пендиков денеска се враќа во Софија бидејќи се уште му траело лекувањето, а следното рочиште е закажано за 21 септември.
Инаку, инцидентот со Христијан Пендиков се случи на 19-ти јануари во кафе-бар на Кејот на Охридското Езеро. Случајот предизвика тензии во односите меѓу Софија и Скопје.