Пред неколку дена, околу пладне, добиле повик кој веројатно досега не го забележале.
Имено, 52-годишен возач им се јавил за да им каже дека вози под дејство на алкохол и дека не е свесен за себе.
„Па, ова не се случува секој ден… Осомничен пијан возач „удри“ во нашата контролна соба“, напиша полицијата во Северен Јоркшир во објава на Фејсбук. „Човекот му рекол на полицаецот 999 дека е во областа Кнаресборо и имал тежок викенд. Тие веднаш испратиле службеници за патниот сообраќај во областа“.
Пијаниот возач со разбудена совест бил лоциран за 15 минути. Првиот алкотест утврдил концентрација на алкохол од 118 µg/100 ml, што е значително повисока од законски дозволените 35 µg/100 ml. Возачот веднаш бил уапсен и испратен на отрезнување. Во станицата била пронајдена уште поголема концентрација на алкохол и бил обвинет дека возел во алкохолизирана состојба. Не се знае дали пријавата ќе му помогне кога ќе се појави пред судија.
