Поголемиот дел од персоналот на постројката за нуклеарно оружје во САД беше евакуиран како мерка на претпазливост од вторник до среда поради приближување на голем пожар.
Вработените во фабриката Пантекс во Тексас изградиле заштитна бариера за пожарот да не го загрозува комплексот, се чини дека опасноста поминала и се чека потврда дека фабриката повторно работи.
Пантекс е еден од шесте објекти со кои управува Претпријатието за нуклеарна безбедност на американската Администрација за национална нуклеарна безбедност. Од 1975 година тој објект е главен за склопување и деактивирање на американските атомски бомби.
Последната атомска бомба беше составена таму во 1991 година, а илјадници нуклеарни боеви глави повлечени од нуклеарниот арсенал на државата беа деактивирани таму.
Пантекс е во заштитен простор од 73 квадратни километри, а најголем дел од активностите се одвиваат на површина од осум квадратни километри каде има 650 згради во кои работат 4.200 вработени со полно работно време.
