По кратко боледување почина владиката Тимотеј: Ја загуби битката откако неколку дена бил на болничко лекување

Денеска почина Дебарско-Кичевскиот Митрополит Тимотеј, тој  ја загуби битката откако неколку дена бил на болничко лекување поради проблеми кои ги имал со срцето.

Тимотеј почина на 73 годишна возраст.

Роден е на 20 октомври 1951 година во Младо Нагоричане, Кумановско како Славе Јовановски. Во 1976 година дипломирал на Богословскиот факултет. Потоа работи како службеник во Македонската архиепископија.

Од страна на Синодот бил испратен во Рим каде ги завршил ориенталните студии и магистратура. На богословскиот факултет во Скопје извесно време Јовановски работел и како професор, а е поставен и за в.д. ректор на Македонската православна богословија.