По објавата на „Макфакс“ дека лажен профил потпишан како „Ѓоре Ајтов“ повикува на немири и протести за да го ослободат Палчо и повика на јавно бесење на министерот за внатрешни, полицијата информира дека веќе се работи на откривање, кој стои зад профилот кој ја сподели сликата со морбидната содржина.
Лажниот профил на ФБ кој злоупотребил и фотографија на Велибор Џаровски – Џаро, човекот кој важи за најпознат естраден менаџер на сите времиња во екс-ЈУ историјата, своите морбидни натписи ги пишуваше во скандалозната група „Правда за Палчо, правда за Вања, правда за Панче, правда за Македонија“ каде се шират теории на заговор и се бара ослободување на Љупчо Палевски, првоосмничен дека ги убил Панче и Вања.
По нашата објава, голем дел од регионалните портали, но и весници ја пренесоа веста.
Извор. https://tocka.com.mk/vesti/465939/po-objavata-na-makfaks-mvr-go-bara-covekot-koj-stoi-zad-lazniot-profil-sto-povika-na-protest-i-besenje-na-spasovski
