Желбата за живот ги поместува сите граници. И по 13 дена од разорните земјотреси што ги погоди јужните делови на Турција спасувачките тимови се уште извлекуваат преживеани од под разурнатите згради. Во турскиот град Антакија кој беше силно погоден од земјотресот од 6ти февруари извлечен брачен пар и нивното 12 годишно дете. Тројцата поминале 296 часа закопани под станбениот блок Канатли во центарот на градот но, за жал, информациите говорат дека детето им подлегнало на повредите во болница. Сведоштвата на преживеаните за деновите поминати закопани живи под земја и надежта дека повторно ќе ја видат светлината на денот секојдневно го обиколуваат светот. Седумнаесетгодишниот Таха Ердем се потсетува на моментите кога го снимал последното видео под урнатините како проштална порака. Беше извлечен по осум дена од земјотресот од под разурнатиот дом…
– КОГА СТАНАВ НА НОЗЕ И ПОВТОРНО ПАДНАВ ОД ПОТРЕСИТЕ, СФАТИВ ДЕКА СЕ СЛУЧУВА ЗЕМЈОТРЕС. НАШАТА ЗГРАДА СЕ СРУШИ ВО 7-МА ИЛИ 10-ТА СЕКУНДА. ДОДЕКА ТРЧАВ КОН ВРАТАТА ВЕЌЕ БЕВ ПОД УРНАТИНИТЕ. ДОДЕКА ГО СНИМАВ ВИДЕОТО СÈ УШТЕ СЕ СЛУЧУВАА ПОСЛЕДОВАТЕЛНИ ПОТРЕСИ, ПОКРИВОТ СÈ ПОВЕЌЕ СЕ УРИВАШЕ ВРЗ МЕНЕ. ПРИЧИНАТА ПОРАДИ КОЈА ГО СНИМАВ ВИДЕОТО БЕШЕ ДОДЕКА ПОКРИВОТ СЕ ПРИБЛИЖУВАШЕ ДО МЕНЕ, МИСЛЕВ ДЕКА ЌЕ УМРАМ, ВЕЛИ 17 ГОДИШНИОТ ТАХА.
Мајката на Таха, раскажува дека откако се срушила зградата трите деца останале заробени заедно со неа под урнатините додека за Таха не знаела ништо. Не престанала да го довикува но не можела да го слушне за да знае дали е жив. Се молела ако нивната судбина е да умрат барем Такха да остане жив.
– ГИ СКРШИЈА УРНАТИНИТЕ СО ЧЕКАН, СКРШИЈА ДЕЛ ОД НЕГО, ПОТОА ГО ИСЕКОА СО СЕКАЧИ И ПОТОА ИЗЛЕГОВМЕ ОД ТАА ДУПКА. НЕ ИЗВЛЕКОА И НЕ СТАВИЈА ВО ВОЗИЛО И ОТИДОВМЕ КАЈ СЕСТРА МИ. ОТИДОВМЕ КАЈ СЕСТРА МИ И ТАХА БЕШЕ ТАМУ. СВЕТОТ ВО ТОЈ МОМЕНТ БЕШЕ МОЈ. НЕМАМ НИШТО ОСВЕН МОИТЕ ДЕЦА, РАСКАЖУВА ЗЕЛИХА ЕРДЕМ, МАЈКАТА НА ТАХА.
Бројот на жртви според последните информации на турските власти надмина 40 илјади но се стравува дека тој не е конечен и ќе биде многу поголем. Меѓувреме новинска агенција Анадолија соопшти дека пронајдено е и телото на 31 годишниот репрезентативец на Гана, фудбалерот Кристијан Атсу. Веста ја потврди и неговиот менаџер, а од фудбалерот со пораки со сочувство до семејството се простуваат неговите колеги на социјалните мрежи… Владата во Турција соопшти дека најмалку 56.000 згради се непогодни за живеење – или уништени или премногу оштетени за луѓето да можат да се вратат и се ставени на листата за уривање… Во овие објекти претходно живееле повеќе од 225.000 станари… Сега дополнителен проблем за земјата е да им обезбеди дом на преживеаните. Во турските села Самандаг и Сутаси, во близина на медитеранскиот брег на Хатај, жителите ги напуштија своите оштетени домови и сега живеат во пластеници што се користат за одгледување домати…
– БЕВМЕ ПРЕМНИГУ НА БРОЈ НА ПРЕТХОДНОТО МЕСТО, СЕКОЈ ИМА СВОИ ПОТРЕБИ. ЗАТОА ДОЈДОВМЕ ОВДЕ, ДА ЖИВЕЕМЕ ПОУДОБНО. МАЈКА МИ Е МАЛКУ БОЛНА, ИМАШЕ ПРЕМНОГУ ГУЖВА, ПА ЗА ДА И БИДЕ ПОУДОБНО СЕ ПРЕСЕЛИВМЕ ОВДЕ. ТУКА ИМА ДЕВЕТ ЛУЃЕ – МАЈКА МИ, МОЈОТ ПОСТАР БРАТ, НЕГОВАТА СОПРУГА, НИВНИТЕ ДЕЦА И ЖЕНАТА НА ДРУГ БРАТ, РАСКАЖУВА БАХАР САГАЛТИЧИ, ЖИТЕЛ НА САМАНДАГ.
– ПРЕДИЗВИЦИТЕ ДА ОСТАНЕМЕ ОВДЕ СЕ ТОА ШТО НЕМАМЕ ЧИСТА ОБЛЕКА, НЕ МОЖЕМЕ ДА СЕ ИСЧИСТИМЕ КАКО ШТО БИ САКАЛЕ, НЕ МОЖЕМЕ ДА СЕ ИСТУШИРАМЕ. НЕ МОЖЕМЕ ДА ЈА СМЕНИМЕ ОБЛЕКАТА. МНОГУ Е ТЕШКО ДА СЕ ЖИВЕЕ ОВДЕ. НЕМА МИЈАЛНИК. НЕМАМЕ НИШТО, ТОА Е КАКО ДА ЖИВЕЕМЕ НА ОТВОРЕНО, СВЕТОЧИ СУЗАН САГАЛТИЧИ, ЖИТЕЛ НА САМАНДАГ.
– ВО СЕЛОТО ЖИВЕАТ ОКОЛУ 3.000 ЛУЃЕ И СЕГА ВО ОРАНЖЕРИИТЕ ОСТАНУВААТ ДВЕ ОД ТРИ ИЛЈАДИ. ПОРАДИ ЗЕМЈОТРЕСОТ НИ СЕ УРНАА СИТЕ КУЌИ. НЕМАМЕ ДРУГО МЕСТО ЗА ЖИВЕЕЊЕ, ИЗЈАВИ ОЗКАН САГАЛТИЧИ, ЖИТЕЛ НА САМАНДАГ.
Меѓувреме тимовите за пребарување кои ги вложуваат сите напорите да спасат што е можно повеќе луѓе од урнатините денеска извлекоа торба полна со пари, а според турските власти во неа биле пронајдени два милиони долари. Претходно и руското Министерство за вонредни состојби соопшти дека руските спасувачи пронашле 150.000 долари во готовина под урнатините на една од зградите, а парите и биле предадени на полицијата.
